شرح مبسط للاقتصاد : Economic

بسم الله الرحمن الرحيم

شرح مبسط للاقتصاد : Economic   

الاقتصاد علم اجتماعى (Economic is a social science) يبحث فى كيفية اشباع الحاجات (الرغبات) البشرية المتعددة واللا نهائية (unlimited needs and desires)، عن طريق افضل استخدام للموارد الاقتصادية(scarcity of resources to use to satisfy those desires).

- الحاجات والرغبات البشرية : طبيعة الانسان انه كلما اشبع رغبة تظهر له رغبة اخرى وتتنوع حاجات ورغبات الانسان فانت تحتاج الى حاجات ضرورية مثل ( المأكل والملبس والمسكن ) وفضلا عن ذلك ترغب فى التنويع من حيث الطعام وانواع الملبس وانواع المسكن وفضلا عن رغباتك فى الحصول على العديد من السلع والخدمات فحاجات الانسان لانهائية .

- الموارد الاقتصادية(النادرة ) : scarcity of resources

وهى الموارد الموجودة بكميات لا تكفى اشباع الحاجات البشرية المتعددة اى انها موجودة بكميات اقل من الحاجة اليها وليس معنى ذلك انها انها غير موجودة بل موجودة ولكن لا تكفى اشباع رغبات المجتمع البشرى ولذلك نطلق عليها الموارد النادرة اى انها ندرة نسبية بمعنى ان المورد موجود ولكن بكمية اقل من الحاجة اليه ولذلك يطلق عليها موارد اقتصادية لان هذة الموارد النادرة هى الى تثير مشكلة اقتصادية على سبيل المثال:

بافتراض انه يوجد لديك نصف كوب من الماء ومعك صديق

انت وصاحبك عايزين تشربوا مية بس الموجود نص كوباية مية بس وبكدة بقت مشكلة ازاى نشرب احنا الاتنين والمية الموجودة اقل من اللى احنا عايزنها عشان كدة هنفكر ازاى نستخدم نص كوباية المية دى احسن استخدام ليها عشان نقدر نشرب احنا الاتنين على الاقل ارضاء للنفس .

وعشان الموارد النادرة دى بتعمل مشكلة فبالتالى المجتمع هيهتم ازاى نستخدم مواردنا عشان ننتج السلع والخدمات التى تشبع حاجات المجتمع وبالتالى تظهر عدة اسئلة مثل :

1-      هل كل الموارد الاقتصادية (النادرة ) الموجودة فى المجتمع مستخدمة ام هناك موارد عاطلة ؟ ومن خلال هذا السؤال يتضح اننا نسال عن توظيف جميع الموارد المتاحة من ( موارد طبيعية ، موارد بشرية ، موارد مصنوعة ) يعنى هيظهر لنا فرع اقتصاد اسمه الاقتصاد الكلى او التجميعى اللى بيتسائل عن تشغيل او توظيف جميع الموارد الاقتصادية Macroeconomic

2-      كيف يتم استخدام الموارد الاقتصادية لانتاج السلع والخدمات التى تشبع الحاجات البشرية المتعددة وكيف يتم توزيع السلع والخدمات ؟ يعنى هنا بنسال عن اللى هيستخدم الموارد هيستخدمها ازاى وهيحولها ازاى لسلع وخدمات وهيبعها بكام وسعر السلعة بيتحدد ازاى يعنى بندرس المنتج(firm) اللى هيقوم بانتاج السلعة والمستهلك(consumer) اللى هيشترى السلعة عشان يشبع حاجته او رغبته

يعنى باختصار بندرس سلوك  المنتج والمستهلك ومن هنا يظهر فرع اقتصاد مهم جدا وهو الحليل الجزئى او الاقتصاد الجزئى ( Microeconomic ) الذى يتناول سلوك الوحدات الاقتصادية كمستهلكين ومنتجين لمعرفة كيف يتم الانتاج وكيف يتحدد سعر السلعة فى السوق .

3-      هل استخدمت الموارد الاقتصادية الاستخدام الامثل (الافضل ) لها ؟

يعنى بنسال عن الكفاءة عشان ننتج سلعة بجودة عالية وده بمسيه اقتصاديات الرفاهية .

ومش عايز اطول فى شرح الموارد وظهور فروع علم الاقتصاد من خلال الاستفسار عن الموارد الاقتصادية ، احنا اللى يهمنا هنا هو الاقتصاد الجزئى (Micro  ) عشان ده اللى هنبدأ فى توضيحه وناس كتير فاكرينه صعب لكن هو الذ واجمل فرع فى فروع الاقتصاد .

طيب واحد ممكن يسال ويقول هو فيه موارد بتعمل مشكلة وموارد تانية مش بتعمل مشاكل

اقوله اه على حسب ظروف كل دولة ومواردها ازاااى يعنى نفهم ازاى

يعنى مثلا الشمس ده مورد طبيعى حر هل الشمس عاملة لينا مشكلة او ازمة ؟

مورد تانى مش عامل اى مشكلة وموجود بكميات اكتر من اللى احنا عايزنها الاكسجين الموجود فى الهواء عشان كدة بنسمى الموارد دى موارد حرة مش نادرة عشان مش بتعمل مشكلة اقتصادية ولا بنهتم باستخدامها

ومثال تانى كمان (الماء) المياه فى بعض الدول ممكن تكون مورد حر وممكن تكون فى دولة تانية مورد نادر ونسمع عن دول كتير فيها مشكلة المياه .

اسف يا جماعة على المبالغة فى الشرح لكن عشان بس نبقى فاهمين ايه هيا الاساسيات مش عايزين نحفظ عايزين نفهم .

طيب دلوقت نيجى نتكلم عن الاقتصاد الجزئى ( Microeconomic ) طبعا لما الانسان يلاقى عنده مورد طبيعى ممكن يحوله لسلعة او خدمة ويعرضها للبيع عشان اكيد فيه مستهلك هيطلبها او راغب فى شراء السلعة دى عشان يشبع حاجته .

طب ازاى الراجل ده هينتج السلعة ولا ازاى هيحول المورد ده يعنى لسلعة او خدمة مفيدة للناس

بافتراض انك لقيت عندك شجر ممكن تحول الاشجار دى لاخشاب ومن اخشاب تحولها الى مقاعد وكراسى ومكاتب ... الخ (طب ازاى )

يعنى دلوقت عندك مورد طبيعى ودايما نقول عالموارد الطبعية (الارض land) ليه ؟ لان الارض تشمل كافة الموارد الطبيعية ما عليها وما تحتها وما فى باطنها ، طيب عندك مورد طبيعى زى الاشجار ، يبقى هتضطر تفكر ازاى تستخدم الاشجار وتفكيرك ده اسمه مجهود ذهنى وانت بتفكر بترتب هتعمل ايه وتنظم وتخطط لعملية تحويل الاشجار لصناعات خشبية اصبح تفكيرك كدة ( قدرة تنظيمية entrepreneurial ability  ) طيب مانت عايز تقطع الاشجار دى من على الارض هتقطعها ازاى ، يبقى انت محتاج الات تشتغل بيها والالات والمعدات دى مش ببلاش دى لازم يكون معاك (راس مال Capital ) ولما هتجيب الالات دى طبعا الالات دى مش هتشتغل من نفسها لازم عمال (العمل Labor  ) يعنى كدة عشان تقدر تنتج اى سلعة او اى خدمة هتبقى محتاج لاربع حاجات اللى بنسميهم عناصر الانتاج :

1- الموارد الطبيعية (الارض Land )                                  2- العمل Labor

3- القدرة التنظيمية والادارية (entrepreneurial ability )      4- راس المال Capital

واخيرا كدة يتم انتاج السلع والخدمات وتتعرض فى الاسواق ، مين بقى اللى هيشترى السلع دى ، طبعا المستهلكين ليه؟ عشان يشبعوا حاجتهم ، طب وسعر السلعة ده بيتحدد ازاى والله الموضوع ده عامل زى لما حضرتك تروح تشترى مثلا قميص والقميص ده معروض ب 120 جنية مثلا وانت عايز القميص ده بس شايف انه غالى هتعمل ايه هتفاصل مع البائع  يعنى ممكن تطليه منه على 100 وهو يقولك لاء وشوية شوية اتفقتوا على 110 يبقى سعر السلعة هنا اتحدد من عرض وطلب وعشان كدة هنبدأ بالطلب الاول من جانب المستهلك(consumer ) لان العرض بيكون من جانب المنتج( firm ) .

·       الطلب : Demand

ايه هو الطلب ده ، يعنى طلبك على السلعة او الخدمة انك عايز تشترى قميص ولما بنقول انك عايز تشترى يبقى لازم تكون راغب وقادر على الشراء (willing and able to purchase ) يعنى نقدر نقول ان الطلب هو الكمية المطلوية من السلع والخدمات التى يرغب المستهلكون فى شرائها ( Demand is quantity of a good or service that consumer are willing and able to purchase at different sales prices ) يعنى الكمية المطلوبة من السلعة او الخدمة التى يكون المستهلك راغب وقادر على شرائها عند اسعار البيع المختلفة.

طيب بافتراض انك روحت محل لشراء سلعة زى الملابس (clothes ) من الطبيعى جدا لو لقيت الاسعار عالية ومرتفعة مش هشجعك انك تشترى ملابس كتير ولو لقيت الاسعار منخفضة (fall ) اكيد هتقدر تشترى ملابس كتير يعنى ايه ؟؟؟؟؟

يعنى كل ما تزيد الاسعار (increase prices  ) هتقل او تنخفض الكمية المطلوبة من السلعة (decrease quantity demanded) والعكس بالعكس vice versa

وهنعمل جدول للطلب على سلعة مثلا زى سلعة البرتقال

ويتضح من الجدول ان زيادة سعر السلعة بتؤدى الى انخفاض الكمية المطلوبة يعنى علاقة عكسية ( inversely related )بين السعر والكمية المطلوبة 

Quantity demanded(QD)	Price
8 Q 7 Q 5 Q 3 Q 1 Q	2 $ 3 $ 5$ 7 $ 9 $

وطبعا ده بنسميه جدول الطلب The demand schedule والذى يوضح العلاقة العكسية بين السعر والكمية المطلوبة .

يعنى نقدر نختصر الكلام ونقول : قانون الطلب The law of demand

اذا زاد السعر يؤدى ذلك الى انخفاض الكمية المطلوبة

if the price increase , the quantity demanded will decrease , and vice versa.

·        منحنى الطلب Demand Curve :

هو تمثيل بيانى (a graphical representation ) لجدول الطلب لتوضيح العلاقة العكسية (inversely relationship ) بين السعر والكمية المطلوبة

(between prices and quantities demanded ).

ويتضح من الرسم البيانى عندما كان السعر p1 كانت الكمية المطلوبة من السلعة هى Q1 ، وعندما ارتفع سعر(rises price) السلعة من p1 الى p2  ادى ذلك الى انخفاض (fall) الكمية المطلوبة (quantity demanded) من Q1 الى Q2  .

وهذا ما يسمى بالتحرك على منحنى الطلب نظرا لتغير السعر (a movement along the demand curve  )

يعنى لما يزيد سعر السلعة بيؤدى الى انخفاض الكمية المطلوبة وبالتالى التحرك على منحنى الطلب اتجاه اعلى اليسار معبرا عن تناقص الكمية المطلوبة.

·        انتقال منحنى الطلب Shift of the demand curve :

وهنا نلاحظ ان منحنى الطلب انتقل لليمين والسعر متغيرش لكن الكمية المطلوبة زادت ، طب ليه وازاى وايه اللى حصل ؟؟؟؟؟؟؟

طيب نتوقع كدة ممكن يكون حصل ايه مثلا:

1-       ممكن يكون زاد دخل المستهلك (Increase consumer income) ولما زاد دخله بكدة يقدر يكون قادر على شراء كمية اكبر من السلعة دون تغيير فى سعرها .

2-      يمكن عدد المشتهلكين زادوا فى السوق

 (the number of consumers) وبالتالى هيزيد الطلب على السلعة .

3-      يمكن اسعار السلع البديلة زادت

 ( increase in the prices of substitutes goods) طب نفهم يعنى ايه سلع بديلة يعنى مثلا الفراخ بديلة للسمك او اللحمة فلو زاد سعر الفراخ فبالتالى يقل الطلب عالفراخ ويزيد الطلب على السمك على اساس ان سعر السمك متغيرش لكن سعر الفراخ هو اللى اتغير وزاد .

4-      يمكن اذواق المستهلكين اتغيرت ( Change in the tastes and preference of consumers ) واصبحوا بيفضلوا السلعة دى عشان كدة الطلب زاد على السلعة بدون تغيير سعر السلعة.

5-      يمكن المستهلكين توقعوا ارتفاع سعر السلعة دى فى المستقبل

              (Expectation of prices to increase in the future ) عشان كدة فضلوا انهم يشتروا منها كمية كبيرة فى الوقت الحالى لان الوقت الحالى يعتبر سعرها اقل من سعرها فى المستقبل حسب توقعهم للسعر.

الخلاصة :

ان تغير الطلب على السلعة مع ثبات سعرها دون تغيير ، يرجع الى تغير عوامل اخرى وهى عوامل محددة للطلب (determinants of demand ) اللى سبق ذكرها وبتالى ينتقل منحنى الطلب الى اليمين فى حالة الزيادة والى اليسار فى حالة نقص الطلب .

·        محددات الطلب : Determinants of Demand

1-    دخل المستهلك consumer income

2-    اسعار السلع الاخرى االبديلة والمكملة(substitutes and comlementary goods)

3-    اذواق وتفضيلات المستهلكين Change tastes and preferences

4-    توقعات المستهلكين Consumers expectations

5-    عدد المستهلكين Number of consumers